Mesfushori belg, Radja Nainngolan, ka arritur marrëveshje me Interin, që të transferohet nga Roma, raportohet në mediat italiane.

Interi i cili ishte i interesuar edhe sezonin e kaluar për shërbimet e 29 vjeçarit, tashmë ka arritur ta bindë me ndihmën e trajnerit, Luciano Spalleti, i cili kishte punuar me të sa ishte në Romë.

‘Bisha’ siç njihet në Serie A ka refuzuar po ashtu një kalim te Chelsea, për të qëndruar në futbollin italian.

Nainggolan sezonin e kaluar ishte mesfushori më efikas dhe u shpallë mesfushori më i mirë i kampionatit.

Megjithatë, Interi duhet të arrijë marrëveshje edhe me Romën, e cila ka vendosur një çmim prej 50 milionësh për belgun.

Nainggolan edhe pse kaloi një super sezon me Romën, nuk u ftua nga kombëtaraje belge për në botërorin ‘Rusia 2018’, i cili fillon më 14 qershor.

Mos ftuarja e tij në kombëtare, ka shkaktuar reagime të shumta në botën e futbollit, por vendimi i Roberto Martinez nuk ndryshoi dhe mesfushori e pranoi.

Nainggolan më pas u pensionua nga kombëtarja belge. /arbresh.info/

https://www.facebook.com/BleacherReportFootball/photos/a.547818538613953.1073741828.544392522289888/1962427393819720/?type=3&theater